Agordi SCIM por Esperanta tajpado

Atentu: Se vi havas la distribuon Ubuntu aŭ simila, povas esti ke la versio SCIM kiun vi povas instali havas eraron, pro kio necesos aldonaj paŝoj. Legu pri tio ĉi tie (Anglalingve). En la plej nova versio de Ubuntu ĉi tiu problemo ŝajnas solvita. La esenco de la paĝo estas ke vi uzu la komandon 'im-switch -z en_US.UTF-8 -c'. Vi en tiu anstataŭu en_US.UTF-8 per via propra lokaĵaro.

• Startu SCIM per la komando scim. ({Alt+F2} scim {Enigklavo}) (Se vi venas en ĉi tiu paĝo post instalo kaj restarto en Ubuntu, SCIM jam estas startita kaj vi povas tuj pluiri al la sekvaj paŝoj. Verŝajne vi eĉ nur bezonas elekti la ĝustan enigmetodon el la listo.)

(Malpli necesaj paŝoj, ja rekomendindaj ĉar alie la programo ŝarĝos ĉiujn enigmetodojn kaj tio povas iom pezi por la sistemo.)

• Dekstre alklaku la nun aperintan piktogramon de klavaro (tiu estas de SCIM).
• Elektu SCIM Setup
• Iru al IMEngine > Global Setup
• Alklaku Disable All
• Iru al Other kaj tie elektu la aranĝojn kun eo en la nomo kaj eventuale el aliaj grupoj ĉiujn aliajn enigmetodojn kiujn vi volas uzi. Atentu! Se vi ĉi tie nenion elektas, SCIM ne bone funkcios!
• Apliku kaj Akceptu

• Restartu la tutan komputilon aŭ la grafikan sistemon ({Ctrl+Alt+Backspace})
• Provu ĉu funkcias
• Aktivigu programon en kiu vi povas tajpi.
• Klaku sur la bildeton de klavaro, tiu troviĝas en la taskopleto.
• Elektu enigmetodon, ekzemple eo-x-sistemo aŭ eo-plena sub la menuo Other. (Vi povos poste ŝalti aŭ malŝalti la enigmetodon per {Ctrl+Spaco})
• Tajpu "Eĥoŝanĝo ĉiuĵaŭde" por provi ĉu la ĉapeloj funkcias.
• Eventuale ankoraŭfoje restartu la grafikan sistemon ({Ctrl+Alt+Backspace}) aŭ la tutan komputilon se ne funkcias, kaj reprovu.

Multan plezuron!