Кириш

Ушбу ҳужжатда Firefox дастурини ўзбек тилига маҳаллийлаштиришга оид турли маълумот келтирилади. Келтирилган маълумот фақат Firefox дастурининг 2-версиясига тааллуқли.

Таржима

Firefox2 дастурнинг экранда кўринадиган хабарлари инглиз тилидан кирил ёзувида ёзиладиган ўзбек тилига таржима қилинади. Таржималар - PO-файл кўринишида. Уларни лойиҳанинг SVN серверидан ёзиб олиш мумкин.

Ўрнатиш

Аввало, компьютерда аллақачон Firefox дастури ўрнатилган бўлиши керак. Унга ўзбек тили таржималарини қўшиш учун қуйидаги боғни Firefox дастурида очинг. Одатда, уни бир марта сичқонча билан босиш керак, холос. Агар бу йўл билан уни очиб бўлмаса, файлни компьютерга ёзиб олинг ва Firefox дастурининг Файл менюсидаги Файлни очиш... бандидан фойдаланинг.

Firefox-Languagepack-2.0.0.uz.xpi

Юқоридаги файлни очиш натижасида Firefox-Languagepack-2.0.0.uz.xpi қўшимчани ўрнатиш ҳақида сўров ойнаси пайдо бўлиши керак. Унда Ўрнатиш тугмасини босинг. Ўрнатишдан сўнг, Firefox дастурининг манзил панелида about:config манзилни очинг. Пайдо бўлган рўйхатдан general.useragent.locale мосламасини қидириб топинг (Филтер майдонида general.useragent.locale киритинг). general.useragent.locale мосламасини икки марта сичқонча билан босиб унинг қийматини 'uz'га (қўштирноқсиз) ўзгартиринг. Firefox дастурини қайтадан ишга туширинг, холос.